في أحد المكالمات مع صديق كان بيقولي أنه مش شايف أنه في حل لمشاكله رديت قلتله ما هو عشان أنت مكتئب دماغك مصورالك أن مفيش حل. سكت شوية وقالي مفيش حل.
عجيبة هي قدرة المرء على التعوّد على الأشياء اللي تنغص عليه حياته. أبضنهم على الإطلاق هو المرض النفسي وظنّك بأنه “عادي” أنا مبضون ولا أي خرا.
متى تذهب إلى الدكتور النفسي صديقي الانسان؟
لقد وقعت في هذا الفخ بنفسي فآخر مرة ذهبت إلى الطبيب النفسي كانت غالبًا من أكتر من سنة. مش هنحور كتير أنا أكيد كنت هستفيد من أني أروح لدكتور. بس هي المشكلة في “كنت هستفيد”، لما لا نستجيب بسهولة لأعراض الأمراض النفسية بينما كم مرة ذهبت للدكتور الباطني لسبب يستدعي أو لم يكن يستدعي و It’s okay بس لو هتروح لدكتور نفسي لازم تبقى قرّبت تتجنن؟
أعتقد السبب بنسبة كبيرة هو مجتمعي ويمكن لو مكنتش مبرمج كنت هبقى بحضر ماجستير في الموضوع بس it’s what it is، يمكن مهم نفهم السبب ويمكن مهم برضه يكون عندنا المرونة الكافية أننا نجرّب. ما تجرّب يا أخي!
وعشان أبقى صريح معاكم ومع نفسي لو مكلمتش الدكتور انهاردة عشان أحجز أبقى خول.